مشکک مسائل کثیرہ نے گانا گانا اور سننا مباح کر دیا معاذاللہ

ماشکک مسائل کثیرہ نے گانا گانا اور سننا مباح کر دیا معاذاللہ

پردیسی پردیسی جانا نہیں
مجھے چھوڑ کے مجھے چھوڑ کے

دل کے ارماں آنسوؤں میں بہہ گئے
ہم وفا کر کے بھی تنہا رہ گئے

جا رہی ہے دلہن جا رہی ہے دلہن
آ گئے لیکے چندہ کی ڈولی سجن

یہ دوستی ہم نہیں توڑیں گے
توڑیں گے ہم مگر تیرا ساتھ نہ چھوڑیں گے

سندیس آتے ہیں سندیس جاتے ہیں
کہ گھر کب آؤ گے ، لکھو کب آؤ گے
کہ تم بن یہ گھر سونا سونا ہے

دنیا میں کتنا غم ہے میرا غم کتنا کم ہے
لوگوں کا غم دیکھا تو میں اپنا غم بھول گیا

تجھے یاد نہ میری آئے کسی سے اب کیا کہنا
دل رویا کہ انکھ بھر آئی کسی سے اب کیا کہنا

تجھکو نہ دیکھوں تو جی گھبراتا ہے

دیکھ کے تجھکو دل کو میرے چین آتا ہے

قارئین شش و پنج میں ہوں گے کہ آخر اس تحریر میں مشہور و معروف گانے کی ایک ایک لائن کیوں لکھی گئی ہے ۔ اور وہ پڑھ کر مسکرا بھی رہے ہوں گے ۔ بات در اصل ایسی ہے کہ ہمارے ہر دل عزیز مشکک مسائل کثیرہ نے پھر ایسی تشکیک سے بھری تحقیق لانچ کی ہے جس سے عوام و خواص میں بے چینی دیکھی جا رہی ہے ۔ مشکک صاحب مفتی نظام الدین نے گانے کی تین قسمیں کیں ہیں ۔ ایک قسم کفر ، دوسری حرام ۔ تیسری مباح ۔

جس گانے کا مضمون کفر پر مشتمل ہو وہ کفر ۔ جس گانے کا مضمون حرام پر مشتمل ہو وہ حرام ۔ اور جو ان دونوں سے خالی ہو وہ مباح

پوچھنے والے نے پوچھا مباح سے کیا مراد ہے ، تو مشکک صاحب نے کہا جس کا سننا جائز و درست ہو ۔ اس لئے میں(راقم) نے وہ چند گانے لکھ دئے ہیں جو نہ کفر و شرک پر مبنی ہے نہ حرام و نا جائز پر ۔ یعنی مشکک صاحب کے کہنے کے مطابق مذکورہ گانوں کو بغیر مزامیر کے سن بھی سکتے ہیں اور گا بھی سکتے ہیں ۔ معاذاللہ

اب قارئین فیصلہ کریں کہ کیا یہ فتنوں کا دروازہ کھولنا نہیں ہے ؟ کیا یہ گانا سننے اور گانے پر دلائل فراہم کرنا نہیں ہے ؟

پھر یہ بھی کہ جو گانا حرام مضمون پر مشتمل ہے یعنی غیر محرم کے دیکھنے سننے یاد کرنے سے متعلق ہیں اسے اگر بغیر شادی شدہ پڑھے یا سنے تو نا جائز ہوگا ۔ اور شادی شدہ پڑھے تو جائز ہوگا ۔ کیوں کہ شادی شدہ یہ عذر کر سکتا ہے کہ میں اپنی بیوی کے لیے پڑھ رہا ہوں ۔

بات یہیں پر ختم نہیں ہوگی ۔ قوالی مع مزامیر جن کے نزدیک زبردستی جائز ہے وہ تو بڑے مزے سے مع مزامیر ایسے گانے بجائیں گے اور سنیں گے ۔ تو بتائیے یہ تحقیق اس دور کا سب سے بڑا تعجب خیز ہے یا نہیں ۔

ویسے یہ کوئی تعجب والی بات نہیں کی مشکک صاحب نے گانے کو جائز بتا دیا ۔ اس سے قبل نہ جانے کتنے مسئلے بدل چکے ہیں اور مزید بدلنے کی کوشش میں لگے ہیں ۔ بس دیکھتے جائیے اور کیا کیا حلال کرتے ہیں ۔

کسی نے کیا خوب کہا ہے:

مجھے نہ چھیڑو میں محقق جدیدہ ہوں
دو چار سال میں سب کچھ حلال کردونگا

ممبئی کے ایک چاپلوس ہیں جو مشکک مسائل کثیرہ کی نا فہمی نا سمجھی و نا دانی کو امام اعظم ابو حنیفہ رضی اللّہ عنہ کی بے مثل و بے مثال عقل و فہم سے ملا رہے ہیں ، معاذاللہ ۔ کہاں پوری دنیا کے امام اور کہاں یہ مشکک مسائل کثیرہ جو آئے دن اپنی تحقیق سے اختلاف و انتشار پھیلاتے ہی رہتے ہیں ۔

سوال گانا سننے کے متعلق تھا کہ میرے شوہر حرام گانے سنتے ہیں اس سے ہمارے نکاح پر اثر پڑے گا یا نہیں ۔ لیکن مشکک صاحب شروع سے آخر تک یہی بتاتے رہے کہ مباح گانا گا سکتے ہیں ۔ اور اس میں مزامیر کا ذکر بھی نہ کیا ۔ لیکن جب سوال کرنے والے نے پوچھا کہ کیا مزامیر کے ساتھ بھی مباح ہے تو مشکک صاحب کہتے ہیں کہ * اصل میں انہوں نے اپنے گھر کا مسئلہ پوچھا ہے کہ میرا شوہر پڑھتا ہے تو ظاہر ہے کہ گھر میں شوہر عام طور پر ہارمونیم وغیرہ لیکر نہیں پڑھتے ہیں۔ ( سنی دعوت اسلامی پروگرام کلپ) ۔ یعنی شوہر ہارمونیم وغیرہ لیکر نہیں پڑھے گا تو جائز ہو گا ۔ معاذاللہ ۔

اس سے یہی نہ مسئلہ نکل کر آیا کہ جو گانے کفر و شرک سے خالی ہوں تو وہ بغیر ہارمونیم ( آلات لہو و لعب میوزک وغیرہ) کے پڑھنا سننا سب جائز و درست ہے ؟

پھر اس کا جواب تو مشکک صاحب نے دیا ہی نہیں کہ میرے شوہر حرام گانے سنتے ہیں ۔ کیوں کہ گانا خود سے گانا اس میں تو بغیر ہارمونیم کے ہو سکتا ہے ، مگر سننے میں یہ نہیں ہو سکتا ، یعنی بغیر ہارمونیم کے کوئی گانا عرف عام میں رائج ہی نہیں ہے ۔ سوال سے خود ظاہر ہے کہ سائلہ گانے کو حرام سمجھ رہی ہے تبھی تو کہہ رہی ہے کہ میرے شوہر حرام گانے سنتے ہیں اس سے ہمارے نکاح پر اثر ہوگا یا نہیں ۔ مشکک صاحب کو چاہیے تھا کہ پہلے حرام کے ارتکاب سے روکتے پھر نکاح ٹوٹنے یا نہ ٹوٹنے کی بات کرتے ۔

جس کو اتنی بھی تمیز نہیں کہ سوال کیا ہے وہ محقق بنے پھر رہے ہیں اور حیرت کی بات یہ ہے کہ ایسے نا اہل نا فہم نا سمجھ محقق کو ممبئی کے چاپلوس امام اعظم کے منصب پر بٹھا رہے ہیں ۔ غیرت مر چکی ہے ان چاپلوسی کرنے والوں کی ۔

پہلے تو خود محقق صاحب تحقیق کرنے کی کھوج میں مگن رہتے تھے لیکن اب عام آدمی کو بھی محقق بنا رہے ہیں کہ وہ پہلے گانے کی تحقیق کرے کہ کفر و حرام ہے یا مباح ، اگر مباح ہے تو بلا جھجک پڑھے ۔ اب بے چارہ آم آدمی کیسے تحقیق کرے گا کہ یہ گانا کفر ہے یا حرام ۔

بے چاری سوال کرنے والی بہن بھی پریشان ہو گئی ہوگی کہ ہم نے تو مفتی صاحب سے صاف صاف کہا تھا کہ میرے شوہر حرام گانے سنتے ہیں ۔ لیکن مفتی صاحب پتہ نہیں کہاں کھو گئے اور سوال ہی بدل کر سننے کی جگہ گاتے ہیں کر دیا ۔ سوال چنیں جواب دیگر مارے گھٹنا پھوٹے سر ۔

جن حضرات کو مشکک صاحب کی نا فہمی دیکھنی ہو وہ اس نمبر پر واٹساپ کریں 8617537986

غلام تاج الشریعہ
محمد جمشید رضوی ، مقیم حال بوکارو اسٹیل سٹی جھارکھنڈ

امام اعظم قدس سرہ العزیز کی حد درجہ احتیاطی اور مشکک مسائل کثیرہ کی لا پرواہی و بے احتیاطی

میں نے گزشتہ تحریر میں ممبئی کے چاپلوس سے کہا تھ کہ کہاں پوری دنیا کے امام اعظم ابوحنیفہ جو تقویٰ و پرہیز گاری میں بے مثال اور کہاں یہ مشکک مسائل کثیرہ جو لا پرواہی بے احتیاطی میں بے مثال ۔

ایسے عجلت پسند لا پرواہ و بے احتیاط مشکک صاحب کو سرکار امام اعظم قدس سرہ العزیز کے عقل و فہم کے برابر لا کھڑا کرنا سوائے اس کے اور کچھ نہیں کہ ان سے اپنا مطلب نکالنا ہے ۔

پہلے ممبئی کے چاپلوس کی چاپلوسی ملاحظہ کریں پھر مشکک صاحب کی لا پرواہی و بے احتیاطی بھی آپ کے سامنے رکھتا ہوں ۔ تاکہ ایسے چاپلوسی کرنے والے رات کے اندھیرے میں بھی پہچانے جائیں ۔

اگرابو حنیفہ کی عقل تمام روئے زمین کے نصف آدمیوں کی عقلوں سے تولی جائے ابو حنیفہ کی عقل غالب آئے۔ امام بکر بن حبیش نے کہا : اگر ان کے تمام اھل زمانہ کی مجموع عقلوں کے ساتھ وزن کریں تو ایك ابو حنیفہ کی عقل ان تمام ائمہ و اکابرو مجتہدین و محدثین و عارفین سب کی عقل پر غالب آئے ۔”
(الخیرات الحسان الفصل الثالث مطبع استنبول ترکیہ ص ١٦٠)

یقینا یہی حال اس وقت حضرت محقق مسائل جدیدہ کا ہے کہ وہ مسئلہ شرعیہ بتادیتے ہیں اور کسی کے لعن و طعن کی پرواہ نہیں کرتے ہیں یہ حوصلہ ایک فقیہ میں ہی ہوسکتا ہے جو امت کے لئے مشکل کے بجاۓ شرعی حدود میں آسانیاں پیدا فرماۓ مسلک ابوحنیفہ کا فروغ اسی لئے ہوا کہ وہ دیگر مسلک کے مقابل ادائیگی میں عمل کے اعتبار سے آسان اور عقلاً قابل قبول بھی ہے ( چاپلوسی مضمون سے اخذ)

دیکھا آپ نے کہ یہ آوارہ قسم کے قلم کار مشکک صاحب کو امام اعظم سے کس طرح ملا رہے ہیں ، اور عوام الناس کو یہ باور کرانے کی کوشش کر رہے ہیں کہ مشکک صاحب جو بھی تحقیق کریں اسے آنکھ بند کرکے مان لو جیسے امام اعظم ابو حنیفہ کی ہر تحقیق آنکھیں بند کر کے مانتے ہو ۔ یعنی دبے لفظوں میں وہ یہ کہنا چاہتے ہیں کہ جیسے تم امام اعظم کے مقلد ہو ویسے ہی مشکک صاحب کے بھی مقلد بن جاؤ ۔ اور جیسے امام اعظم کا ظہور مسائل میں آسانی کے لیے ہوا ہے اسی طرح مشکک صاحب کا بھی ظہور ہوا ہے ۔

اب سمجھیں آپ کہ یہ مسائل میں آسانی کیوں تلاش کرتے ہیں ۔ مجدد اعظم سے کیوں اختلاف کرتے ہیں ، بزرگان دین سے کیوں عدول کرتے ہیں ۔ فون کی خبر پر کیوں چاند کا اعلان کرتے ہیں ۔ مسجد کا گیٹ بند کر کے کیوں جمعہ پڑھتے ہیں ۔ ماسک پہن کر کیوں نماز پڑھتے ہیں ۔ ٹوپا موڑ کر کیوں نماز پڑھتے ہیں ۔ اس لئے کہ ان کا ظہور امام اعظم کی طرح آسانی پیدا کرنے کے لیے ہوا ہے ۔

سرکار امام اعظم قدس سرہ العزیز کو امت مسلمہ بالاتفاق اپنا پیشوا اپنا امام اپنا رہنما تسلیم کرتی ہے ۔ بخلاف مشکک کے کہ ان کے ارد گرد صرف چند لوگ ہی گھومتے پھرتے ہیں ۔ کہاں وہ موجیں مارتا علم کا سمندر ، کہاں یہ اپنے گھر کے کوئیں کے پانی بھی نہیں ۔

کہاں وہ امام جنہیں یاد کرو تو ایمان میں پختگی سنیت میں ثابت قدمی آ جائے ، کہاں یہ کہ جنہیں یاد کرو تو ایمان میں لچیلہ سنیت میں ڈھیلا پن آ جائے ۔

کہاں وہ امام جو بادشاہوں وزیروں حاکموں کے سامنے بھی حق بیانی سے گریز نہ کرے ، کہاں یہ کہ رام گیتا کی تعریف کرنے والے ، صحبہ کی توہین کرنے والے سے بھی ڈر جائے۔

کہاں وہ امام جو حرام کے لقمے سے بچنے کے لیے سات سال بکری کا گوشت نہ کھائے ، کہاں یہ کہ پلپلوں صلح کلیوں کے دوستوں کے ساتھ گوشت کی دعوتیں اڑائے ۔

امام اعظم قدس سرہ العزیز کے تقوے کی ہلکی سی جھلک

ایک مرتبہ کوفہ میں کچھ بکریاں چوری ہو گئی ، تو آپ نے دریافت کیا کہ بکری زیادہ سے زیادہ کتنے سال تک زندہ رہ سکتی ہے ، لوگوں نے بتایا سات سال ، تو آپ نے سات سال بکری کا گوشت نہ کھایا ۔ کتاب ، امام اعظم ، صفحہ ، 83 مصنفہ سید شاہ تراب الحق قادری رحمۃ اللّٰہ علیہ پاکستان )

اسے کہتے ہیں تقویٰ کہ کہیں چوری والی بکری کا گوشت نہ کھا لیں ، تو آپ نے سات سال تک بکری گوشت ہی نہ کھایا ، سبحان اللّٰہ

اسی زمانے میں ایک فوجی نے گوشت کھا کر اس کا فضلہ کوفہ کی نہر میں پھینک دیا تو آپ نے مچھلی کی طبعی عمر دریافت کیا اور پھر اتنے سال تک مچھلی کے گوشت سے پرہیز کیا ۔ ( امام اعظم ، 83 )

حسن بن صالح فرماتے ہیں کہ آپ سخت پرہیزگار تھے ، حرام سے ڈرتے تھے اور شبہ کی وجہ سے کئی حلال چیزیں بھی چھوڑ دیتے تھے ( امام اعظم ، 81 )

ایسے ہوتے ہیں امام ! اور ایسے ہی لوگ پیشوا کہلانے کے قابل ہیں ۔ جب ایسے لوگ تحقیق کرتے ہیں تو امت میں رحمت کی بہاریں آتی ہیں ، قرآن و حدیث پر عمل کرنے کا جذبہ پیدا ہوتا ہے ۔

اور جب مشکک جیسے لا پرواہ و بے احتیاط لوگ تحقیق کرتے ہیں تو امت میں فساد پیدا ہوتا ہے ، امت میں فتنہ پھیلتا ہے ۔ عقیدے میں ڈھیلاپن آنے لگتا ہے ، سنتوں سے دوری ہوائے نفس سے جی حضوری پیدا ہو جاتی ہے ۔

مفتی نظام الدین صاحب نے جو گانے کے متعلق مسئلہ بتایا وہ جُوں کا توں ہی ہے

نچا مارا ہے یکسر کیا عرب اور کیا عجم سب کو !

خدا غارت کرے اس اختلاف دین و مذہب کو

مجھے معلوم تھا ۔ جس طرح وہابی کا ذبیحہ حلال بتانے والے محقق فتاویٰ رضویہ کا سہارا لیکر دبک گئے اسی طرح گانا مباح کرنے والے محقق صاحب بھی بہار شریعت کا سہارا لیکر کھسک جائیں گے ۔

کئی چیلے چپاٹے آئے اور ادھر ادھر کی باتیں کر کے اپنے محقق صاحب کو بچانے کی کوشش کی مگر کسی نے بھی اپنے محقق صاحب کی تحریر نہیں دکھائی کہ انہوں گانے سے مراد غیر فلمی اشعار لئے ہیں ۔ وغیرہ وغیرہ

جب کہ محقق صاحب نے کھلے کھلے لفظوں میں گانے کا لفظ استعمال کیا غیر فلمی اشعار نہیں ۔ غیر فلمی اشعار تو ہر دور میں جائز رہے ہیں جو کفر و شرک اور حرام سے خالی ہو ۔ اس پر کبھی کسی نے فتویٰ نہیں پوچھا کہ یہ حرام ہے کہ جائز ۔ جلسہ جلوس میں شعر و شاعری تو عام سی بات ہے ۔

کچھ لوگ بہار شریعت کا حوالہ دے رہے ہیں کہ محقق صاحب نے وہی کہا ہے جو بہار شریعت میں لکھا ہے ۔ لیکن جب میں نے بہار شریعت میں دیکھا تو وہاں گانے کا لفظ ہی نہیں تھا بلکہ وہاں اشعار کا لفظ ہے ۔

اور غالباً قارئین محقق صاحب کی کلپ سن چکے ہوں گے کہ وہ اشعار کا نہیں گانے کا لفظ استعمال کر رہے ہیں جو فی زمانہ فلمی گانے کو ہی کہتے ہیں ۔ اگرچہ لغوی اعتبار سے چند معنی ہیں ۔ مگر عرف عام میں گانے سے مراد یہی فلمی گانا ہے ۔

جیسا کہ ہمارے علماء کرام نے فقہ کی کتابوں میں فرمایا کہ گانے کی دھن پر نعت شریف پڑھنا نا جائز ہے یوں ہی قرآن پاک کی تلاوت بھی گانے کی دھن پر پڑھنا حرام ہے ۔

اگر گانے سے فلمی گانا مراد نہ ہوتا تو وہ کیوں کہتے کہ گانے کی دھن پر نعت پڑھنا حرام ہے ۔ تو معلوم ہوا کہ عرف عام میں گانے سے مراد یہی فلمی گانا ہے ۔

اب اگر پھر بھی محقق صاحب کی بے جا حمایت کرنے والے اس بات پر بضد ہیں کہ نہیں محقق صاحب نے جو کہا وہ ٹھیک اور درست ہے تو میں ان سے کہوں گا کہ اشرفیہ کے آنے والے سالانہ دستار بندی میں ایسے نقیب کو مدعو کریں جو محقق صاحب کی زبان میں یہ کہے :

کیا کہے ؟

یہی کہ !

اب میں آپ کے سامنے محقق مسائل جدیدہ صاحب کو مائک پر آنے کی دعوت دیتا ہوں ۔قبل اس کے کہ وہ تشریف لائیں حضرت کے استقبال کے لئے میں چند گانے پیش کر رہا ہوں آپ سماعت کریں اور جو گانے آپ کو سمجھ میں آ جائے تو داد و تحسین سے ضرور نوازیں ۔

اور جب محقق صاحب کے چاہنے والوں کو وہ گانا بے حد پسند آئے تو وہ مچل کر یوں عرض کریں :۔۔۔۔۔۔۔۔۔۔۔ واہ واہ کیا گانا ہے اس گانے کو پھر سے پڑھیے بہت اچھا گانا ہے واہ واہ ۔

اس کے بعد جتنے بھی محقق صاحب کے چاہنے والے اسٹیج پر موجود ہوں ہر ایک کو نقیب یہی کہہ کر مائک پر آنے کی دعوت دے کہ میں اس گانے کے ساتھ حضرت کو مائک پر آنے کی دعوت دیتا ہوں ۔

وحشت میں ہر اک نقشہ الٹا نظر آتا ہے

مجنوں نظر آتی ہے لیلیٰ نظر آتا ہے

غلام تاج الشریعہ
محمد جمشید رضوی ، مقیم حال بوکارو اسٹیل سٹی ۔

غلام تاج الشریعہ
محمد جمشید رضوی ، مقیم حال بوکارو اسٹیل سٹی

Author: InqelabiResearcher