جب اہل سنت محبت اہل بیت کی بات اشعار میں کرتے ہیں تو اہل بیت پر اشعار کچھ اس طرح لکھتے ہیں جن کو پڑھنے کے بعد اہل بیت کی محبت دل میں غرقاب ہوتی ہے
اہل بیت پر اشعار
سنی یوں بیان کرتے ہیں شان اہل بیت
باغ جنت کے ہیں بہرِ مَدح خوانِ اَہلِ بیت
تم کو مژدہ نار کا اے دُشمنانِ اَہلِ بیت
کس زباں سے ہو بیاں عز و شانِ اَہل بیت
مَدح گوئے مصطفی ہے مَدح خوانِ اَہل بیت
ان کی پاکی کا خدائے پاک کرتا ہے بیاں
آیۂ تطہیر سے ظاہر ہے شانِ اَہل بیت
یہ شعر اہل بیت پر اشعار میں سے زیادہ پسندیدہ ہے
اُن کے گھرمیں بے اجازت جبرئیل آتے نہیں
قدر والے جانتے ہیں قدر و شانِ اَہل بیت
رَزم کا میداں بنا ہے جلوہ گاہِ ُحسن و عشق
کربلا میں ہو رہا ہے اِمتحانِ اَہل بیت
کس شقی کی ہے حکومت ہائے کیا اَندھیر ہے
دن دِہاڑے لٹ رہا ہے کاروانِ اَہل بیت
*خشک ہو جا خاک ہو کر خاک میں مل جا فرات*
*خاک تجھ پر دیکھ تو سوکھی زبانِ اَہل بیت*
خاک پر عباس و عثمانِ علمبردار ہیں
بیکسی اب کون اُٹھائے گا نشانِ اَہل بیت
تیری قدرت جانور تک آب سے سیراب ہوں
پیاس کی شدت میں تڑپے بے زبانِ اَہل بیت
فاطمہ کے لاڈلے کا آخری دیدار ہے
حشر کا ہنگامہ برپا ہے میانِ اَہل بیت
گھر لٹانا جان دینا کوئی تجھ سے سیکھ جائے
جانِ عالم ہو فدا اے خاندانِ اَہل بیت
سر شہیدانِ محبت کے ہیں نیزوں پر بلند
اَور اُونچی کی خدا نے قدر و شانِ اَہل بیت
دولت دیدار پائی پاک جانیں بیچ کر
کربلا میں خوب ہی چمکی دُکانِ اَہل بیت
اَہل بیت پاک سے گستاخیاں بے باکیاں
لَعْنَۃُ اللہِ عَلَیْکُم دشمنانِ اَہل بیت
بے ادب گستاخ فرقہ کو سنا دے اے حسنؔ
یوں کہا کرتے ہیں سُنی داستانِ اَہل بیت
رضوان اللہ تعالی علیھم اجمعین یہ کچھ اہل بیت پر اشعار تھے جو لکھے گئے ہیں مزید اشعار اہل بیت بھی جلد ہی شامل کیے جائیں گے
کلام.
مولانا حسن رضا خان بریلوی رحمۃ اللہ
