امام باڑا کے سامنے فاتحہ کرنا کیسا ہے؟👇
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں علمائے کرام و مفتیان عظام شرع متین میں کہ
امام باڑہ کے سامنے فاتحہ کرنا کیسا ہے خواہ ایامِ محرَّم ہو یا ایامِ غیرِ محرَّم ہو؟
فقط
سائل محمد عامر حسین بوکارو جھارکھنڈ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده و نصلي علي رسوله الكريم
وعليكم السلام ورحمة الله وبركاته
الجواب بعونه تعالى عزوجل
امام باڑا کا معنی
امام باڑا اس جگہ کو کہتے ہیں جہاں اہل تشیع اپنا مذہبی تہوار منعقد کرتے ہیں جس میں عام طور پر امام حسین رضی اللہ عنہ اور شہدائےکربلا کی عزاداری برپا کی جاتی ہے۔ اور ماتم کرتے ہیں سینہ پیٹتے ہیں ۔
اہل سنت کو اس جگہ سے کیا علاقہ اگر اس جگہ امام حسن رضی اللہ عنہ کی مصنوعی قبر ہو پھر اس پر فاتحہ پڑھنا جائز نہیں ہے کہ مصنوعی قبر بنانا اور اس پر فاتحہ پڑھنا حرام ہے اور اگر امام باڑا میں مصنوعی قبر نہ ہو اور جگہ پاک ہو تو فاتحہ پڑھنے میں کوئی حرج نہیں ہے البتہ گریز احسن ہے آقا علیہ السلام نے فرمایا میرے لیے پوری روئے زمین کو سجدہ گاہ بنا دیا گیا ہے اور اسے پاک کر دیا گیا ہے، (حدیث)
فتاوی رضویہ میں
فاتحہ جائز ہے روٹی شیرینی شربت جس چیز پر ہو، مگر تعزیہ پر رکھ کر یا اس کے سامنے ہونا جہالت ہے اور اس پر چڑھانے کے سبب تبرك سمجھنا حماقت ہے ہاں تعزیہ سے جدا، جو خالص سچی نیت سے حضرات شہدائے کرام رضی ﷲ تعالٰی عنہم کی نیاز ہو وہ ضرور تبرك ہے
(فتاوی رضویہ ج 24 ص 498 مطبوعہ رضا فاؤنڈیشن لاہور)
والله و رسوله اعلم بالصواب
